«Крок Лукашэнкі — наўмысная правакацыя». У Вярхоўнай радзе пракаментавалі адкліканне амбасадара з Беларусі
Падтрымаць каманду Люстэрка
Беларусы на вайне
Читать по-русски


Адкліканне амбасадара Украіны ў Беларусі Ігара Кізіма для кансультацый — сур’ёзны сігнал для Аляксандра Лукашэнкі, які пайшоў на правакацыю. Пра гэта «Люстэрку» заявіў кіраўнік Камітэта Вярхоўнай рады Украіны па замежнай палітыцы і міжпарламенцкім супрацоўніцтве Аляксандр Меражко.

Председатель комитета Верховной рады Украины по внешней политике и межпарламентскому сотрудничеству Александр Мережко. Фото: партия "Слуга народа"
Старшыня Камітэта Вярхоўнай рады Украіны па знешняй палітыцы і міжпарламенцкім супрацоўніцтве Аляксандр Меражко. Фота: партыя «Слуга народа»

«Для Украіны абсалютна непрымальныя якія-кольвек афіцыйныя кантакты якой-кольвек дзяржавы з падкантрольнымі Расіі тэрарыстычнымі арганізацыямі „ДНР-ЛНР“. Па сутнасці, „ДНР-ЛНР“ — тэрарыстычныя інструменты і фактычныя органы Расіі. Крок Лукашэнкі — наўмысная правакацыя на мяжы прызнання так званых ДНР-ЛНР. Украіна не можа падтрымліваць дыпламатычныя адносіны з дзяржавамі, якія прызнаюць „ДНР-ЛНР“», — адзначыў Меражко.

На ягоную думку, адкліканне амбасадара Украіны ў Беларусі Ігара Кізіма для кансультацый — сур’ёзны сігнал для Аляксандра Лукашэнкі, які пайшоў на правакацыю.

Нагадаем, афіцыйны Кіеў адклікаў амбасадара Украіны ў Беларусі Ігара Кізіма для кансультацый. Гэта адбылося пасля сустрэчы Аляксандра Лукашэнкі з кіраўніком самаабвешчанай ДНР Дзянісам Пушыліным. У МЗС Украіны гэта назвалі «чарговым і абуральным недружалюбным актам з боку Рэспублікі Беларусь, скіраваным на падтрымку дзяржавы-агрэсара РФ».

18 красавіка адбылася сустрэча Аляксандра Лукашэнкі з «часовым выканаўцам абавязкаў кіраўніка» самаабвешчанай ДНР Дзянісам Пушыліным. Падчас яе Лукашэнка пацікавіўся: «На фронце як у нас там справы?» Паводле словаў Пушыліна, яго з афіцыйным візітам у Беларусь запрасіў сам Лукашэнка.

Аляксандр Лукашэнка дагэтуль не прызнаў на афіцыйным узроўні самаабвешчаныя ЛДНР.